«ПСЖ» анчадан бери «Барселона» ҳужумчиси Ферран Торресга қизиқиш билдириб келаётгани ҳақида хабар берилмоқда. Испаниянинг Sport нашрига кўра, Франция Лига 1 гранди шу ёзда Торресни ўз сафига қўшиб олиш учун барча имкониятларни ишга солади.
Франция чемпионлари Торресга 5 йиллик шартнома таклиф қилишди ва «Барселона»нинг шартномани узайтириш бўйича ҳар қандай таклифидан кўпроқ пул тўлашга тайёр. Шу билан бирга, якуний қарорни Ферраннинг ўзи қабул қилиши кераклиги таъкидланмоқда.
Ферран Торреснинг «Барселона» билан амалдаги шартномаси 2027 йилнинг ўрталаригача мўлжалланган. Аввалроқ матбуотда Каталония клуби 26 ёшли футболчига сентябрь ойида янги битим таклиф қилишни режалаштираётгани ҳақида хабар берилган эди.
