«PSJ» anchadan beri «Barselona» hujumchisi Ferran Torresga qiziqish bildirib kelayotgani haqida xabar berilmoqda. Ispaniyaning Sport nashriga ko‘ra, Fransiya Liga 1 grandi shu yozda Torresni o‘z safiga qo‘shib olish uchun barcha imkoniyatlarni ishga soladi.
Fransiya chempionlari Torresga 5 yillik shartnoma taklif qilishdi va «Barselona»ning shartnomani uzaytirish bo‘yicha har qanday taklifidan ko‘proq pul to‘lashga tayyor. Shu bilan birga, yakuniy qarorni Ferranning o‘zi qabul qilishi kerakligi ta’kidlanmoqda.
Ferran Torresning «Barselona» bilan amaldagi shartnomasi 2027 yilning o‘rtalarigacha mo‘ljallangan. Avvalroq matbuotda Kataloniya klubi 26 yoshli futbolchiga sentyabr oyida yangi bitim taklif qilishni rejalashtirayotgani haqida xabar berilgan edi.
