Яқинда матбуотда ҳужумчи Гонсало Гарсия ва ҳужумкор ярим ҳимоячи Сесар Паласиос «Реал»дан «Фулхэм»га ўтишга яқин тургани ҳақида хабарлар тарқалган эди. Marca нашрининг хабар беришича, Лондон клуби мадридликларнинг яна бир аъзосини нишонга олган. Учинчи футболчи — ярим ҳимоячи Тьяго Питарч.
Манба маълумотларига кўра, 18 ёшли Питарчнинг ўзи ҳам «Фулхэм»га ўтишга ва у ерда Альваро Арбелоа билан яна бирга ишлашга тайёр. Тьяго 2025/2026 йилги мавсумнинг иккинчи ярмида ушбу мураббий қўл остида мунтазам равишда майдонга тушиб келаётган эди.
Тьяго Питарчнинг бозор қиймати Transfermarkt портали мутахассислари томонидан 20 миллион еврога баҳоланмоқда.
