"Manchester Siti" markaziy himoyachisi Yoshko Gvardiol Angliya chempionatida "Arsenal"ga qarshi kechgan o‘yinda durang qayd etilgani haqida fikr bildirdi. Beshinchi turda kechgan bellashuv 1:1 hisobida yakunlandi.
"Arsenal" bilan o‘yinda har bir futbolchi har bir yakkakurashda va ikkinchi to‘plarda 100% kuchini sarfladi. Aynan shu narsa bizga avvalroq biroz yetishmagandi va men himoyachi sifatida aytishim mumkinki, jamoamning har bir to‘p uchun kurashayotganini ko‘rib juda xursandman," - deya Gvardiolning so‘zlarini keltiradi City Report.
"Manchester Siti"ning Angliya Premyer-ligasi 6-turi doirasidagi raqibi "Byornli" bo‘ladi. O‘yin 27 sentyabr kuni bo‘lib o‘tadi va Toshkent vaqti bilan soat 19:00 da boshlanadi.
