"Манчестер Сити" марказий ҳимоячиси Йошко Гвардиол Англия чемпионатида "Арсенал"га қарши кечган ўйинда дуранг қайд этилгани ҳақида фикр билдирди. Бешинчи турда кечган беллашув 1:1 ҳисобида якунланди.
"Арсенал" билан ўйинда ҳар бир футболчи ҳар бир яккакурашда ва иккинчи тўпларда 100% кучини сарфлади. Айнан шу нарса бизга аввалроқ бироз етишмаганди ва мен ҳимоячи сифатида айтишим мумкинки, жамоамнинг ҳар бир тўп учун курашаётганини кўриб жуда хурсандман," - дея Гвардиолнинг сўзларини келтиради City Report.
"Манчестер Сити"нинг Англия Премьер-лигаси 6-тури доирасидаги рақиби "Бёрнли" бўлади. Ўйин 27 сентябрь куни бўлиб ўтади ва Тошкент вақти билан соат 19:00 да бошланади.
