«Манчестер Сити» ярим ҳимоячиси Родрига нафақат Мадриднинг «Реал» клуби, балки «Барселона» ҳам қизиқиш билдирмоқда.

Cadena SER нашрининг таъкидлашича, «кўк-анорранглилар» «шаҳарликлар» юлдузини ўз сафларига жалб этишни жуда ҳам хоҳлашмоқда. Бироқ, хавбек ҳозирча бунга ижобий жавоб бергани йўқ – у каталонияликларга розилик билдирмади. 30 ёшли футболчи учун кечаётган курашда «қаймоқранглилар» ҳамон пешқадамлик қилишмоқда.

Аввалроқ кўплаб манбалар Родрининг фаолиятини айнан «Реал»да давом эттириш истаги борлиги ҳақида хабар берган эди. Мадрид гранди аллақачон трансфер бўйича иш олиб бормоқда.

Родрининг «Манчестер Сити» билан амалдаги шартномаси келаси йилнинг ёзида ўз ниҳоясига етади. Англияга кўчиб ўтишдан олдин футболчи ўз ватанида «Атлетико» шарафини ҳимоя қилган.