O‘zbekiston boks federasiyasida Liverpulda o‘tgan jahon chempionatining yakunlariga bag‘ishlangan matbuot anjumani tashkil qilindi.

Unda federasiya rasmiylari va terma jamoa a’zolari ishtirok etib, OAV xodimlarini qiziqtirgan savollarga javob berishdi.

Anjuman davomida rasmiylar tomonidan joriy yil yakunida Toshkentda Asian Boxing tashkiloti shafe’ligida kattalar o‘rtasidagi Osiyo chempionatini o‘tkazish rejalashtirilayotgani aytildi.

Eslatib o‘tamiz, dunyo birinchiligida O‘zbekiston terma jamoasi 6 ta oltin, 2 ta kumush va 3 ta bronza medallari bilan umumjamoa hisobida ikkinchi o‘rinni egallagan edi.

Erkaklar terma jamoamiz esa yana bir karra o‘z tarixida dunyoning eng kuchli jamoasi ekanini isbotladi.