Madridning "Real" klubi yarim himoyachisi Jud Bellingem yelkasini operasiya qildirganidan so‘ng yana maydonga qaytdi.

Angliyalik xavbek yo‘qligida Xabi Alonso davrida "qaymoqranglilar"ning asosiy o‘yinchilaridan biriga aylangan Arda Gyuler ajoyib sport formasiga kirdi. El Nacional nashri xabariga ko‘ra, turkiyalik futbolchi endi yana kamroq o‘yin amaliyotiga ega bo‘lishidan xavotirda, chunki Bellingem formasini tiklab, asosiy tarkibga qaytishga tayyor. Murabbiyning rejalari hozircha noma’lum, ammo joriy mavsum davomida u rotasiya muhimligini va butun tarkibni o‘yinlarga jalb qilish niyatida ekanligini bir necha bor ta’kidlagan.

Arda Gyuler joriy mavsum "Real" safida 7 ta o‘yinda 2 ta gol va 2 ta golli uzatmaga mualliflik qildi.