Мадриднинг "Реал" клуби ярим ҳимоячиси Жуд Беллингем елкасини операция қилдирганидан сўнг яна майдонга қайтди.

Англиялик хавбек йўқлигида Хаби Алонсо даврида "қаймоқранглилар"нинг асосий ўйинчиларидан бирига айланган Арда Гюлер ажойиб спорт формасига кирди. El Nacional нашри хабарига кўра, туркиялик футболчи энди яна камроқ ўйин амалиётига эга бўлишидан хавотирда, чунки Беллингем формасини тиклаб, асосий таркибга қайтишга тайёр. Мураббийнинг режалари ҳозирча номаълум, аммо жорий мавсум давомида у ротация муҳимлигини ва бутун таркибни ўйинларга жалб қилиш ниятида эканлигини бир неча бор таъкидлаган.

Арда Гюлер жорий мавсум "Реал" сафида 7 та ўйинда 2 та гол ва 2 та голли узатмага муаллифлик қилди.