"Manchester Siti" futbolchisi Niko O'Rayli yangi shartnoma imzoladi. Klub 20 yoshli xavbek bilan shartnomani uzaytirganini juma kuni e’lon qildi. Bitim 2030 yilgacha mo‘ljallangan.
"Har qanday yosh futbolchi Nikodan o‘rnak olishi kerak. U texnikali, aqlli va o‘yinni yaxshi o‘qiydi. U asosiy jamoaga o‘tganidan beri sezilarli o‘sishga erishdi va biz u yanada yaxshilanishi mumkin deb hisoblaymiz. Uning salohiyati juda katta. Niko - fantastik shaxs. U bor e’tiborini futbolga qaratgan - yosh futbolchilarimizdan aynan shuni kutamiz," - deydi "shaharliklar" sport direktori Ugu Viana.
O'Rayli "Manchester Siti"ning asosiy jamoasi safida 27 ta o‘yinda maydonga tushib, beshta gol va ikkita golli uzatmani amalga oshirgan.
