"Манчестер Сити" футболчиси Нико О'Райли янги шартнома имзолади. Клуб 20 ёшли хавбек билан шартномани узайтирганини жума куни эълон қилди. Битим 2030 йилгача мўлжалланган.
"Ҳар қандай ёш футболчи Никодан ўрнак олиши керак. У техникали, ақлли ва ўйинни яхши ўқийди. У асосий жамоага ўтганидан бери сезиларли ўсишга эришди ва биз у янада яхшиланиши мумкин деб ҳисоблаймиз. Унинг салоҳияти жуда катта. Нико - фантастик шахс. У бор эътиборини футболга қаратган - ёш футболчиларимиздан айнан шуни кутамиз," - дейди "шаҳарликлар" спорт директори Угу Виана.
О'Райли "Манчестер Сити"нинг асосий жамоаси сафида 27 та ўйинда майдонга тушиб, бешта гол ва иккита голли узатмани амалга оширган.
