"Brentford"dan uchralgan mag‘lubiyatdan so‘ng "Manchester Yunayted" bosh murabbiyi Ruben Amorim o‘yin vaqtida nima uchun yerga qaragani haqidagi savolga javob berdi.
Ba’zilar Amorim umidsizlikdan maydondan uzoqqa qarayapti deb o‘ylagan bo‘lishi mumkin. Ammo portugaliyalik murabbiy bu fikrni yo‘qqa chiqardi.
"Agar e’tibor bersangiz, barcha murabbiylarda shunday lahzalar bo‘ladi. Buning o‘yinga aloqasi yo‘q. Men shunchaki pastga qarab, o‘yin va nima qilishimiz kerakligi haqida o‘ylardim. Bu normal holat. Bu hamma murabbiylarda sodir bo‘ladi", - dedi Amorim.
