"Manchester Siti" o‘z maydonida "Byornli"ni 5:1 hisobida mag‘lub etdi. O‘yindan keyin gol mualliflaridan biriga aylangan "shaharliklar" futbolchisi Mateus Nunes o‘z fikrlarini bildirdi.
"Biz gol o‘tkazib yubormasligimiz kerak - bu o‘yindan olgan narsamiz. Qiyin bo‘ldi, ammo ikkinchi bo‘limda o‘yinni yaxshiroq nazorat qildik. Bu yaxshi g‘alaba. Biz hali ham oldingi darajamizga qaytishga va har bir o‘yinda o‘yinni nazorat qilishga harakat qilmoqdamiz. Biz har doim g‘alaba qozonishni xohlaymiz, ammo ba’zida bu oson bo‘lmaydi," - dedi Nunes "Premier League Productions" dasturida.
"Manchester Siti" navbatdagi o‘yinini oktyabr oyining birinchi oqshomida - Chempionlar ligasi doirasida "Monako"ga qarshi o‘tkazadi.
