Madridning "Real" klubi darvozaboni Tibo Kurtua jamoaning "Atletiko"ga qarshi derbidagi yirik mag‘lubiyatiga izoh berdi. Uchrashuv shanba kuni bo‘lib o‘tdi va 5:2 hisobida "matraschilar"ning g‘alabasi bilan yakunlandi.
"Yomon natijalar o‘ylashga sabab bo‘lishi kerak va biz vaziyatni o‘zgartirish uchun qo‘limizdan kelganini qilishimiz shart. Biz buni qilamiz. Hala Madrid", - deb yozdi Kurtua ijtimoiy tarmoqda.
"Real" hamon La Liga jadvalida peshqadamlik qilmoqda, ammo bugunning o‘zidayoq birinchi o‘rinni yo‘qotishi mumkin - bu "Barselona" "Real Sosyedad" ustidan g‘alaba qozongan taqdirda yuz beradi.
