Мадриднинг "Реал" клуби дарвозабони Тибо Куртуа жамоанинг "Атлетико"га қарши дербидаги йирик мағлубиятига изоҳ берди. Учрашув шанба куни бўлиб ўтди ва 5:2 ҳисобида "матрасчилар"нинг ғалабаси билан якунланди.
"Ёмон натижалар ўйлашга сабаб бўлиши керак ва биз вазиятни ўзгартириш учун қўлимиздан келганини қилишимиз шарт. Биз буни қиламиз. Hala Madrid", - деб ёзди Куртуа ижтимоий тармоқда.
"Реал" ҳамон Ла Лига жадвалида пешқадамлик қилмоқда, аммо бугуннинг ўзидаёқ биринчи ўринни йўқотиши мумкин - бу "Барселона" "Реал Сосьедад" устидан ғалаба қозонган тақдирда юз беради.
