Romelu Lukaku otasining vafot etganini ma’lum qildi.
Belgiya terma jamoasi hujumchisi Romelu Lukakuning otasi, o‘zi ham professional futbolchi bo‘lgan Roje Lukaku, 58 yoshida olamdan o‘tdi.
"Bilgan barcha narsalarimni o‘rgatganingiz uchun rahmat. Sizdan cheksiz minnatdorman va qadrlayman. Hayot endi hech qachon avvalgidek bo‘lmaydi. Siz meni boshqa hech kim qila olmaydigan darajada himoya qildingiz va yo‘naltirdingiz. Men endi avvalgi men bo‘lmayman.
Og‘riq kuchli, ko‘z yoshlarim sel bo‘lib oqmoqda, ammo Xudo menga yana kuch beradi, deb ishonaman. Barcha qilganlaringiz uchun rahmat, Roje Menama Lukaku. Xayr, otajon," - deya yozdi "Napoli" hujumchisi ijtimoiy tarmoqda.













