Ромелу Лукаку отасининг вафот этганини маълум қилди.
Бельгия терма жамоаси ҳужумчиси Ромелу Лукакунинг отаси, ўзи ҳам профессионал футболчи бўлган Роже Лукаку, 58 ёшида оламдан ўтди.
"Билган барча нарсаларимни ўргатганингиз учун раҳмат. Сиздан чексиз миннатдорман ва қадрлайман. Ҳаёт энди ҳеч қачон аввалгидек бўлмайди. Сиз мени бошқа ҳеч ким қила олмайдиган даражада ҳимоя қилдингиз ва йўналтирдингиз. Мен энди аввалги мен бўлмайман.
Оғриқ кучли, кўз ёшларим сел бўлиб оқмоқда, аммо Худо менга яна куч беради, деб ишонаман. Барча қилганларингиз учун раҳмат, Роже Менама Лукаку. Хайр, отажон," - дея ёзди "Наполи" ҳужумчиси ижтимоий тармоқда.
