Yarim himoyachi Rodri "Brentford"ga qarshi o‘yinda jarohat oldi va bu oy Ispaniya terma jamoasiga yordam bera olmaydi.
"Rodri jarohati tekshirilib, klubdan tibbiy tekshiruvlar natijalari haqida ma’lumot olgach, Ispaniya terma jamoasining Gruziya va Bolgariyaga qarshi o‘yinlari uchun tarkibga kiritilmadi," - deyiladi Ispaniya qirollik futbol federasiyasi saytidagi bayonotda.
Ispaniya terma jamoasi uchun 2026 yilgi jahon chempionati saralashining oktyabr oyidagi ikkala o‘yini ham o‘z uyida bo‘lib o‘tadi. "Qizil furiya" Gruziyaga qarshi 11 oktyabr kuni, Bolgariyaga qarshi esa 14 oktyabr kuni maydonga tushadi.
