"An-Nasr" bosh murabbiyi Jorje Jezush Krishtianu Ronalduning faoliyatini yakunlashi haqida fikr yuritdi.
40 yoshli hujumchi hozircha futboldan ketmoqchi emasligini bir necha bor ta’kidlagan. Uning saudiyaliklar bilan amaldagi shartnomasi 2027 yilning yarmigacha mo‘ljallangan.
"Ronaldu qachongacha o‘ynaydi? Bilmadim, menimcha, uning maqsadi 1000ta gol urish. Krishtianuga taxminan 50 ta gol kerak, shuning uchun u hali joriy va kelasi mavsumda o‘ynashi kerak," - deya Jezushning so‘zlarini keltiradi Al Nassr Zone.
Joriy mavsumda Krishtianu Ronaldu "An-Nasr" safida 6 ta bahsda 5 ta gol urdi.
