Hujumchi Usmon Dembele "Oltin to‘p"ni qo‘lga kiritganidan keyin maoshi oshirilishini talab qilmoqda. L’Equipe xabariga ko‘ra, "PSJ" bu g‘oyaga ochiq. Liga 1 grandi Dembelening maoshini oshirishga tayyor, ammo shu bilan birga, unga avvalroq Neymar yoki Lionel Messi ishlab topgan maoshni to‘lashga tayyor emas.
Manbaga ko‘ra, "PSJ" o‘ta yirik bitimlarni o‘tmishda qoldirishga va maoshlar jadvalini shishirmaslikka harakat qilmoqda.
"PSJ" navbatdagi o‘yinni 17 oktyabr, juma kuni Fransiya chempionatida o‘z maydonida "Strasburg"ga qarshi o‘tkazadi. Parijliklar 7 turda 16 ochko jamg‘argan holda Liga 1da peshqadamlik qilmoqda.













