Ҳужумчи Усмон Дембеле "Олтин тўп"ни қўлга киритганидан кейин маоши оширилишини талаб қилмоқда. L’Equipe хабарига кўра, "ПСЖ" бу ғояга очиқ. Лига 1 гранди Дембеленинг маошини оширишга тайёр, аммо шу билан бирга, унга аввалроқ Неймар ёки Лионель Месси ишлаб топган маошни тўлашга тайёр эмас.
Манбага кўра, "ПСЖ" ўта йирик битимларни ўтмишда қолдиришга ва маошлар жадвалини шиширмасликка ҳаракат қилмоқда.
"ПСЖ" навбатдаги ўйинни 17 октябрь, жума куни Франция чемпионатида ўз майдонида "Страсбург"га қарши ўтказади. Парижликлар 7 турда 16 очко жамғарган ҳолда Лига 1да пешқадамлик қилмоқда.
