"Everton" o‘zining rasmiy sayti orqali darvozabon Jordan Pikford bilan shartnomani uzaytirganini e’lon qildi.
31 yoshli futbolchi 2029 yilning o‘rtalariga qadar mo‘ljallangan shartnoma imzoladi.
"Bundan juda xursandman. Yana ikki yil, jami to‘rt yil. Bu menga bu yerda o‘z izimni qoldirish, oldinga siljish va klubni o‘zimiz xohlagan darajaga olib chiqish imkoniyatini beradi", - dedi Pikford klub matbuot xizmatiga.
Eslatib o‘tamiz, Jordan Pikford 2017 yilning yozidan beri "Everton" sharafini himoya qilib kelmoqda. Shundan buyon darvozabon “irislar” safida 326 ta o‘yin o‘tkazib, 453 ta gol o‘tkazib yuborgan.
