"Эвертон" ўзининг расмий сайти орқали дарвозабон Жордан Пикфорд билан шартномани узайтирганини эълон қилди.
31 ёшли футболчи 2029 йилнинг ўрталарига қадар мўлжалланган шартнома имзолади.
"Бундан жуда хурсандман. Яна икки йил, жами тўрт йил. Бу менга бу ерда ўз изимни қолдириш, олдинга силжиш ва клубни ўзимиз хоҳлаган даражага олиб чиқиш имкониятини беради", - деди Пикфорд клуб матбуот хизматига.
Эслатиб ўтамиз, Жордан Пикфорд 2017 йилнинг ёзидан бери "Эвертон" шарафини ҳимоя қилиб келмоқда. Шундан буён дарвозабон “ирислар” сафида 326 та ўйин ўтказиб, 453 та гол ўтказиб юборган.
