"Bavariya" hujumchisi Xarri Keyn Dortmundning "Borussiya" klubiga (2:1) qarshi o‘yindan keyin jurnalistlar bilan suhbatlashdi.
Uchrashuvning 22-daqiqasida angliyalik futbolchi hisobni ochdi. Ikkinchi bo‘limda jamoalar o‘zaro gollar almashishdi: 78-daqiqada Maykl Olise gol urgan bo‘lsa, 84-daqiqada Yulian Brandtning sa’y-harakatlari bilan "asalarilar" bitta gol urishdi.
"60-daqiqagacha juda yaxshi edik, tanaffusgacha 2:0 yoki 3:0 hisobida oldinda borishimiz mumkin edi. Ikkinchi bo‘limda matonat ko‘rsatishga to‘g‘ri keldi va men buni uddalab, g‘alaba qozonganimizdan xursandman. FIFA kunlaridan so‘ng o‘yinlar har doim ham oson kechmaydi. Bu juda muhim o‘yin edi. "Borussiya" bir muddat bizga o‘xshab yutqazmadi. Endi shu zaylda davom etish kerak. Hozircha bizda hammasi zo‘r ketmoqda," - dedi Keyn intervyusida.
