"Napoli" rahbariyati ikki futbolchi - markaziy hujumchi Juzeppe Ambrozino va hujumkor yarim himoyachi Antonio Vergara bilan yangi mehnat shartnomasini imzoladi. Bu haqda Italiya klubi saytida ma’lumot paydo bo‘ldi.
Har ikki futbolchi 2030 yilning yozigacha "Napoli"da qoladi.
Vergara Neapol klubi akademiyasi tarbiyalanuvchisi hisoblanadi. Joriy mavsumda asosiy jamoa safida yarim himoyachi atigi bitta o‘yinda maydonga tushdi.
Ambrozino "Napoli" tizimida 2013 yildan buyon to‘p tepib kelmoqda. Uning hisobida Italiya jamoasi uchun ikkita o‘yin bor.













