"Yuventus" Igor Tudor bilan xayrlashdi. Dushanba kuni, "Lasio"dan uchralgan 0:1 hisobidagi mag‘lubiyatning ertasiga Turin klubi Tudor bosh murabbiylikdan iste’foga chiqarilganini e’lon qildi.
"Yuventus" boshqaruviga Luchano Spalletti asosiy nomzod bo‘lib turibdi. Roberto Manchiniga kelsak, bu mutaxassis turinliklar uchun "B" rejasi hisoblanadi. Bu haqda nufuzli jurnalist Janluka di Marsioga tayanib, Transfer News Live xabar berdi.
"Yuventus" Italiya chempionati turnir jadvalida 8-o‘rinda bormoqda. Shu bilan birga, "keksa sinyora" birinchi "Napoli"dan atigi olti ochko ortda qolmoqda.
