"Yuventus" bosh murabbiyi Luchano Spalletti Chempionlar ligasi doirasidagi Lissabonning "Sporting" klubiga qarshi o‘yin oldidan o‘tkazilgan matbuot anjumanida jamoa ketma-ket g‘alabalardan so‘ng uchrashuvga yaxshi kayfiyatda kelayotganini ta’kidladi.

"Agar sizda ijobiy natijalar bo‘lmasa, vaziyatni o‘zgartirish qiyin bo‘ladi: ko‘p o‘ylay boshlaysiz, hamma narsa chalkashib ketadi. Ammo so‘nggi ikki g‘alaba yigitlarga hamma narsaga boshqacha qarash va "Sporting" kabi kuchli raqibni boshqacha kayfiyatda kutib olish imkonini berdi," - dedi Spalletti.