"Barselona" prezidenti Joan Laporta Lamin Yamalga Ispaniya terma jamoasida katta rol berilmasligiga umid qilmoqda.

18 yoshli vinger avvalroq terma jamoaning JCH-2026 saralashida Gruziya va Turkiyaga qarshi o‘yin uchun qaydnomasiga kiritilgandi.

"Men har doim terma jamoaga chaqirilganimni e’tirof sifatida qabul qilaman va Lamin o‘z pozisiyasi bo‘yicha dunyoning eng yaxshisi. Uning chaqirilgani mantiqan to‘g‘ri, lekin men uning o‘yin vaqtini o‘lchashni istardim, ayniqsa Ispaniya guruh bosqichidan deyarli o‘tib ketgan - ularga faqat bitta ochko kerakdek ko‘rinmoqda.

Lekin men terma jamoa murabbiyiga ta’sir o‘tkazishni yoki bahsga kirishishni xohlamayman. Men uni chaqirishayotganini tushunaman - bu tan olish. Men Laminni ajoyib iste’dod sifatida ko‘raman. U "Bryugge"ga qarshi ko‘rsatgan o‘yin... U g‘alaba qozona olmaganimiz uchun xafa bo‘ldi. U jamoani boshqardi va ajoyib o‘yin ko‘rsatdi. Uni bunday formada ko‘rish menga zavq bag‘ishlaydi.

"Pubalgiyani (yog‘i og‘rig‘i) hisobga olgan holda, u juda ko‘p harakat qilmoqda", dedi Laporta.