"Барселона" президенти Жоан Лапорта Ламин Ямалга Испания терма жамоасида катта роль берилмаслигига умид қилмоқда.

18 ёшли вингер аввалроқ терма жамоанинг ЖЧ-2026 саралашида Грузия ва Туркияга қарши ўйин учун қайдномасига киритилганди.

"Мен ҳар доим терма жамоага чақирилганимни эътироф сифатида қабул қиламан ва Ламин ўз позицияси бўйича дунёнинг энг яхшиси. Унинг чақирилгани мантиқан тўғри, лекин мен унинг ўйин вақтини ўлчашни истардим, айниқса Испания гуруҳ босқичидан деярли ўтиб кетган - уларга фақат битта очко керакдек кўринмоқда.

Лекин мен терма жамоа мураббийига таъсир ўтказишни ёки баҳсга киришишни хоҳламайман. Мен уни чақиришаётганини тушунаман - бу тан олиш. Мен Ламинни ажойиб истеъдод сифатида кўраман. У "Брюгге"га қарши кўрсатган ўйин... У ғалаба қозона олмаганимиз учун хафа бўлди. У жамоани бошқарди ва ажойиб ўйин кўрсатди. Уни бундай формада кўриш менга завқ бағишлайди.

"Пубалгияни (ёғи оғриғи) ҳисобга олган ҳолда, у жуда кўп ҳаракат қилмоқда", деди Лапорта.