"Real Madrid" futbolchisi Kilian Mbappe "Monako" yarim himoyachisi Pol Pogbaning sog‘ayib, maydonga qaytishini intiqlik bilan kutayotganini aytdi.
Mbappe Pogba bilan aloqada ekanligini va qiyin davrdan keyin uning formasini tiklashiga chin dildan umid qilayotganini aytdi.
Hujumchi Pogba har doim muxlislar orasida kuchli his-tuyg‘ularni uyg‘otganini va ham milliy terma jamoada, ham klub darajasida yorqin shaxs bo‘lib qolganini ta’kidladi.
"Pogba bilan men tez-tez telefonda gaplashamiz. Umid qilamanki, u yana yuqori formada. O‘ylaymanki, ko‘p odamlar uning qaytishiga katta umid bog‘lashmoqda", - deya Mbappening so‘zlarini keltiradi Foot Mercato.
