“Manchester Yunayted” klubi hujumchi Benyamin Sheshko “Tottenxem”ga qarshi o‘yinda (2:2) olgan jarohati jiddiy emasligiga umid qilmoqda, deb xabar berdi ESPN nashri manbalarga tayanib.
Ma’lumotga ko‘ra, 22 yoshli sloveniyalik futbolchida tizza bilan bog‘liq muammo borligi uchun unga qo‘shimcha tibbiy tekshiruvlar o‘tkaziladi. Shu sababli u noyabr oyida Sloveniya terma jamoasi o‘yinlarini o‘tkazib yuboradi.
APLning 11-turida “Tottenxem”ga qarshi bellashuvda Sheshko 58-daqiqada zaxiradan maydonga tushgandi.
Joriy 2025/26 yilgi mavsumda u 12 ta o‘yinda 2 ta gol urdi va 1 ta golli uzatma berdi.
