“Манчестер Юнайтед” клуби ҳужумчи Беньямин Шешко “Тоттенхэм”га қарши ўйинда (2:2) олган жароҳати жиддий эмаслигига умид қилмоқда, деб хабар берди ESPN нашри манбаларга таяниб.

Маълумотга кўра, 22 ёшли словениялик футболчида тизза билан боғлиқ муаммо борлиги учун унга қўшимча тиббий текширувлар ўтказилади. Шу сабабли у ноябрь ойида Словения терма жамоаси ўйинларини ўтказиб юборади.

АПЛнинг 11-турида “Тоттенхэм”га қарши беллашувда Шешко 58-дақиқада захирадан майдонга тушганди.

Жорий 2025/26 йилги мавсумда у 12 та ўйинда 2 та гол урди ва 1 та голли узатма берди.