Angliya terma jamoasi hujumchisi Bukayo Saka jamoa bosh murabbiyi Tomas Tuxelning ko‘proq gol urishi kerakligi haqidagi fikriga qo‘shilishini aytdi.

"Menimcha, maydonda bo‘lishning o‘zi yetarli emas. Angliya terma jamoasi libosida vaziyat yarata oladigan va gol ura oladigan saviyali futbolchilar bor. Bu mening vazifam, shuningdek, murabbiy va murabbiylar shtabining vazifasi - ular biz o‘zligimizni saqlab qolishimiz, eng yaxshi jihatlarimizni ko‘rsatishimiz va o‘zimizni namoyon qilishimiz uchun mukammal o‘yin rejasini tuzishadi. Shunday ekan, ha, hammasi o‘zimga bog‘liq", - deya 24 yoshli futbolchining so‘zlarini keltiradi ESPN.

Saka terma jamoa safida 46 ta o‘yinda maydonga tushib, 13 ta gol urgan va 9 ta golli uzatmani amalga oshirgan.