Англия терма жамоаси ҳужумчиси Букайо Сака жамоа бош мураббийи Томас Тухелнинг кўпроқ гол уриши кераклиги ҳақидаги фикрига қўшилишини айтди.
"Менимча, майдонда бўлишнинг ўзи етарли эмас. Англия терма жамоаси либосида вазият ярата оладиган ва гол ура оладиган савияли футболчилар бор. Бу менинг вазифам, шунингдек, мураббий ва мураббийлар штабининг вазифаси - улар биз ўзлигимизни сақлаб қолишимиз, энг яхши жиҳатларимизни кўрсатишимиз ва ўзимизни намоён қилишимиз учун мукаммал ўйин режасини тузишади. Шундай экан, ҳа, ҳаммаси ўзимга боғлиқ", - дея 24 ёшли футболчининг сўзларини келтиради ESPN.
Сака терма жамоа сафида 46 та ўйинда майдонга тушиб, 13 та гол урган ва 9 та голли узатмани амалга оширган.
