Kataloniyaning "Barselona" klubi sobiq futbolchisi Gari Lineker 2026 yilgi jahon chempionatida g‘olib chiqish uchun qaysi terma jamoalarni asosiy da’vogar deb bilishini aytdi.
"Asosiy favoritlardan biri - Ispaniya. Ularning hozirda ajoyib terma jamoasi bor. Angliya yaxshi tarkibga ega, ammo bizning jamoaga bunday turnirlar har doim qiyin bo‘ladi. Argentina va Fransiyada g‘alaba uchun yana ajoyib imkoniyatlar bor. Hali ham eng yuqori darajani ko‘rsatayotgan Lionel Messini unutmaslik kerak," - deya mutaxassisning so‘zlarini keltiradi Marca.
Jahon chempionati kelasi yozda Shimoliy Amerikada bo‘lib o‘tadi. Turnirning amaldagi g‘olibi Argentina terma jamoasi hisoblanadi.
