Kilian Mbappe Ozarbayjonga qarshi o‘yindan qatnashishdan ozod qilindi va Fransiyada ko‘pchilik Fransiya terma jamoasi bosh murabbiyining bunday qaroridan norozi, chunki ular bunday yondashuvni alohida munosabat deb bilishadi. Fransiya terma jamoasi yetakchisini Emmanuel Peti himoya qildi.
"Menimcha, bu yerda hech narsadan hech narsa yo‘q janjal ko‘tarishyapti. Gap so‘nggi oltita o‘yinda yettita gol urgan Fransiya terma jamoasi yetakchisi haqida ketmoqda. Alohida munosabat bo‘lgan va shunday bo‘lib qoladi. Yana bir bor - biz o‘yinlar taqdirini yolg‘iz o‘zi hal qila oladigan futbolchi haqida gapiryapmiz," - deya Petining so‘zlarini keltiradi derbyderbyderby.it.
