"Barselona" qanot hujumchisi Runi Bardjiga "Portu" va "Shtutgart" klublari qiziqish bildirmoqda. Ushbu klublar qishda shvesiyalik futbolchini ijaraga olish variantini ko‘rib chiqmoqda. Bu haqda Sport.es xabar bermoqda.
Manbaga ko‘ra, "ko‘k-anorranglilar" bosh murabbiyi Xans-Diter Flik Barjining ijaraga ketishi g‘oyasini qo‘llab-quvvatlamayapti va futbolchi Kataloniya klubida kamida joriy mavsum oxirigacha qolishi kerak, deb hisoblamoqda.
20 yoshli hujumchi o‘tgan yozda "Barselona"ga o‘tgan edi. Bu davrda Barji barcha turnirlarda to‘qqizta o‘yinda maydonga tushib, golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan.
