"Барселона" қанот ҳужумчиси Руни Барджига "Порту" ва "Штутгарт" клублари қизиқиш билдирмоқда. Ушбу клублар қишда швециялик футболчини ижарага олиш вариантини кўриб чиқмоқда. Бу ҳақда Sport.es хабар бермоқда.
Манбага кўра, "кўк-анорранглилар" бош мураббийи Ханс-Дитер Флик Баржининг ижарага кетиши ғоясини қўллаб-қувватламаяпти ва футболчи Каталония клубида камида жорий мавсум охиригача қолиши керак, деб ҳисобламоқда.
20 ёшли ҳужумчи ўтган ёзда "Барселона"га ўтган эди. Бу даврда Баржи барча турнирларда тўққизта ўйинда майдонга тушиб, голли узатмани амалга оширди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган.
