"Manchester Yunayted" tayanch yarim himoyachisi Kobbi Maynu yanvar oyida jamoani tark etmoqchi. Bu haqda Calciomercato nashri xabar bermoqda.
"Manchester Yunayted" va Maynu klubni tark etishi mumkinligi fonida mehnat shartnomasini uzaytirish bo‘yicha muzokaralarni to‘xtatdi, chunki 20 yoshli xavbek o‘yin amaliyoti izlab, qishda "Napoli"ga ijaraga o‘tish imkoniyatini ko‘rib chiqmoqda. Maynuning klub bilan amaldagi shartnomasi 2027 yilning iyunida o‘z nihoyasiga etadi.
Joriy mavsumda "Manchester Yunayted" tarbiyalanuvchisi barcha musobaqalarda 8 ta o‘yinda maydonga tushdi va 1 ta golli uzatmani o‘z hisobiga yozdirib qo‘ydi.
Transfermarkt portali ma’lumotlariga ko‘ra, Maynuning narxi 45 million yevroga teng.













