"Манчестер Юнайтед" таянч ярим ҳимоячиси Кобби Майну январь ойида жамоани тарк этмоқчи. Бу ҳақда Calciomercato нашри хабар бермоқда.
"Манчестер Юнайтед" ва Майну клубни тарк этиши мумкинлиги фонида меҳнат шартномасини узайтириш бўйича музокараларни тўхтатди, чунки 20 ёшли хавбек ўйин амалиёти излаб, қишда "Наполи"га ижарага ўтиш имкониятини кўриб чиқмоқда. Майнунинг клуб билан амалдаги шартномаси 2027 йилнинг июнида ўз ниҳоясига этади.
Жорий мавсумда "Манчестер Юнайтед" тарбияланувчиси барча мусобақаларда 8 та ўйинда майдонга тушди ва 1 та голли узатмани ўз ҳисобига ёздириб қўйди.
Transfermarkt портали маълумотларига кўра, Майнунинг нархи 45 миллион еврога тенг.
