Jon Terri 1995 yilda "Chelsi" yoshlar jamoasiga kelib qo‘shilgan va keyin 2017 yilgacha klubda o‘ynagan. Qaysidir pallada Terri "Manchester Siti"ga o‘tishi mumkin edi. "Pensionerlar"ning sobiq kapitani o‘sha voqeani esladi.
"Men "Manchester Siti" 2009-2010 yillarda, "Chelsi" bosh murabbiyi Anchelotti bo‘lganida 29 million funt taklif qilganini bilaman. "Chelsi" bu haqda gap ochishi bilanoq shunday dedim: "Ketishni istamayman. Agar meni sotmoqchi bo‘lsangiz, buni muhokama qilishimiz kerak, chunki agar siz meni xohlamasangiz, men bu yerda bo‘lishni xohlamayman.
Roman Abramovich esa: "Biz sening qolishingni istaymiz. "Men 100 foiz qolishni xohlayman, keling, yangi shartnoma imzolaymiz," deb javob berdim. Va men yangi shartnoma imzoladim, ya’ni faoliyatimning qolgan qismini "Chelsi"ga bag‘ishladim. Men 29 yoshimda 5 yillik shartnoma imzolaganman. Bu hayotimdagi eng yaxshi qaror edi", - deya Terrining so‘zlarini keltiradi Goal portali.
