Жон Терри 1995 йилда "Челси" ёшлар жамоасига келиб қўшилган ва кейин 2017 йилгача клубда ўйнаган. Қайсидир паллада Терри "Манчестер Сити"га ўтиши мумкин эди. "Пенсионерлар"нинг собиқ капитани ўша воқеани эслади.

"Мен "Манчестер Сити" 2009-2010 йилларда, "Челси" бош мураббийи Анчелотти бўлганида 29 миллион фунт таклиф қилганини биламан. "Челси" бу ҳақда гап очиши биланоқ шундай дедим: "Кетишни истамайман. Агар мени сотмоқчи бўлсангиз, буни муҳокама қилишимиз керак, чунки агар сиз мени хоҳламасангиз, мен бу ерда бўлишни хоҳламайман.

Роман Абрамович эса: "Биз сенинг қолишингни истаймиз. "Мен 100 фоиз қолишни хоҳлайман, келинг, янги шартнома имзолаймиз," деб жавоб бердим. Ва мен янги шартнома имзоладим, яъни фаолиятимнинг қолган қисмини "Челси"га бағишладим. Мен 29 ёшимда 5 йиллик шартнома имзолаганман. Бу ҳаётимдаги энг яхши қарор эди", - дея Террининг сўзларини келтиради Goal портали.