"Real" hujumchisi Kilian Mbappe Chempionlar Ligasi umumiy bosqichining 5-turidan o‘rin olgan "Olimpiakos"ga (4:3) qarshi o‘yinga o‘z munosabatini bildirdi.

"Og‘ir sinov, lekin shunday bo‘lishini bilardik. Biz yomon boshladik, ammo o‘yinni o‘zgartirdik. Bugun hammasini uddaladim va bu to‘rtta goldan juda xursandman. "Olimpiakos" taslim bo‘lmadi. Oxirida ular bizga qattiq bosim o‘tkazishdi. Yakun dramatik bo‘ldi, ammo biz buni uddaladik," - deya Mbappening so‘zlarini keltiradi UEFA matbuot xizmati.