Italiyalik mashhur murabbiy Fabio Kapello "Napoli" bosh murabbiyi Antonio Konte haqida fikr bildirdi.
"Xalqaro tanaffus vaqtida Konte bir necha dam olish kunlarini olib, o‘z uyida, Turinda qoldi va Neapoldagi mashg‘ulotlarga o‘z xodimlarini mas’ul qilib qo‘ydi. Shuning uchun ham uni tanqid qilganman. Menimcha, u o‘zi murabbiylik qilishi kerak bo‘lgan futbolchilarga nisbatan hurmatsizlik qildi. Ular terma jamoalar tarkibida emasdi. Ularni o‘zlarini ikkinchi darajali o‘yinchilardek his qilishga majbur qilish xavfi bor edi. Antonio jamoa ichidan dushman qidirayotgandek ko‘rinadi, ammo har birimiz vaziyatga o‘zimizcha yondashamiz. Natijalar uning haqligini tasdiqlaydi, boshqa har qanday falsafiy dalillar katta ahamiyatga ega emas", - deya Kapelloning so‘zlarini keltiradi Football Italia.
"Napoli" Italiya chempionatida 13 ta o‘yin o‘tkazib, ochkolari sonini 28 taga etkazib oldi va turnir jadvalida 2-o‘rinda bormoqda.
