Италиялик машҳур мураббий Фабио Капелло "Наполи" бош мураббийи Антонио Конте ҳақида фикр билдирди.
"Халқаро танаффус вақтида Конте бир неча дам олиш кунларини олиб, ўз уйида, Туринда қолди ва Неаполдаги машғулотларга ўз ходимларини масъул қилиб қўйди. Шунинг учун ҳам уни танқид қилганман. Менимча, у ўзи мураббийлик қилиши керак бўлган футболчиларга нисбатан ҳурматсизлик қилди. Улар терма жамоалар таркибида эмасди. Уларни ўзларини иккинчи даражали ўйинчилардек ҳис қилишга мажбур қилиш хавфи бор эди. Антонио жамоа ичидан душман қидираётгандек кўринади, аммо ҳар биримиз вазиятга ўзимизча ёндашамиз. Натижалар унинг ҳақлигини тасдиқлайди, бошқа ҳар қандай фалсафий далиллар катта аҳамиятга эга эмас", - дея Капеллонинг сўзларини келтиради Football Italia.
"Наполи" Италия чемпионатида 13 та ўйин ўтказиб, очколари сонини 28 тага этказиб олди ва турнир жадвалида 2-ўринда бормоқда.
