Kataloniyaning "Barselona" klubi yulduz markaziy hujumchisi Robert Levandovski kelasi yilning yozida Ispaniya chempionatini tark etishi mumkin. Bu haqda Mundo Deportivo jurnalistlari xabar bermoqda.
Manbaga ko‘ra, 37 yoshli hujumchida Saudiya Arabistonida ishlash imkoniyati bor. Levandovskining transferiga "An-Nasr", "Al-Hilol", "Al-Ittihod" va "Al-Ahli" klublari qiziqish bildirmoqda.
Eslatib o‘tamiz, Robertning "ko‘k-anorranglilar" bilan amaldagi shartnomasi muddati yarim yildan so‘ng yakuniga yetadi.
Polshalik futbolchi joriy mavsum "Barselona" safida 16 ta bahsda ishtirok etib, 8 ta gol va 1 ta assistni o‘z hisobiga yozdirib qo‘ydi.
