Каталониянинг "Барселона" клуби юлдуз марказий ҳужумчиси Роберт Левандовски келаси йилнинг ёзида Испания чемпионатини тарк этиши мумкин. Бу ҳақда Mundo Deportivo журналистлари хабар бермоқда.
Манбага кўра, 37 ёшли ҳужумчида Саудия Арабистонида ишлаш имконияти бор. Левандовскининг трансферига "Ан-Наср", "Ал-Ҳилол", "Ал-Иттиҳод" ва "Ал-Аҳли" клублари қизиқиш билдирмоқда.
Эслатиб ўтамиз, Робертнинг "кўк-анорранглилар" билан амалдаги шартномаси муддати ярим йилдан сўнг якунига етади.
Польшалик футболчи жорий мавсум "Барселона" сафида 16 та баҳсда иштирок этиб, 8 та гол ва 1 та ассистни ўз ҳисобига ёздириб қўйди.
