"Barselona" markaziy himoyachisi Erik Garsiya Xans-Diter Flik qo‘l ostidagi faoliyati haqida fikr bildirdi.
24 yoshli ispaniyalik futbolchi "ko‘k-anorranglilar" bilan 2031 yilgacha mo‘ljallangan shartnoma imzoladi.
«Dastlab, Xansi qo‘l ostida jismoniy muammolarim tufayli muammolarga duch keldim va mavsumoldi o‘yinida qatnasha olmadim, lekin mavsum o‘tgan sari u menga tobora ko‘proq va turli pozisiyalarda ishona boshladi.
Men o‘ynamaydigan paytlar ham bor edi, lekin hozir men bu barqarorlikdan zavqlanyapman va rostini aytsam, Xansidan menga bildirgan ishonchi uchun juda minnatdorman», - dedi Garsiya matbuot anjumanida.
Erik joriy mavsumda jami 22 ta o‘yinda 1 ta gol urib, 1 ta assist muallifi bo‘ldi.
