"Nyukasl" yarim himoyachisi Bruno Gimaraes joriy qishda klubini o‘zgartirmoqchi.
Jurnalist Migel Delaniga ko‘ra, Bruno Gimaraesning vakillariga yaqin manbalar "Manchester Yunayted" bilan aloqaga chiqqan. Ta’kidlanishicha, braziliyalik futbolchi "Nyukasl"dagi hozirgi vaziyatdan hafsalasi pir bo‘lgan. U yozda klub katta vazifalarni hal qilish uchun birorta ham sifatli futbolchi sotib olmaganidan norozi. Ta’kidlanishicha, Gimaraeslar oilasi Angliyaning eng qulay bo‘lmagan shaharlari qatoriga kiruvchi Nyukasl-apon-Tayn shahrida yashashni yoqtirmaydi. Xavbekning o‘zi ham bosh murabbiy Eddi Xauga jamoadan ketmoqchi ekanini ma’lum qilgan.
Gimaraes 2022 yildan buyon "qarg‘alar" safida to‘p tepib kelmoqda. Bu mavsumda u barcha musobaqalarda 23 ta o‘yinda maydonga tushib, beshta gol urdi va beshta golli uzatmani amalga oshirdi. Futbolchining klub bilan shartnomasi 2028 yilgacha mo‘ljallangan.
