Dortmundning "Borussiya" klubi hujumkor yarim himoyachisi Karim Adeyemi Myonxengladbaxning "Borussiya" jamoasiga qarshi o‘yindagi almashtirishdan noroziligini bildirdi. 15-tur uchrashuvi uning jamoasining 2:0 hisobidagi g‘alabasi bilan yakunlandi.

Futbolchi maydonni tark etgach, darhol kiyinish xonasiga yo‘l oldi, biroq jamoa sport direktori Sebastyan Kel uni to‘xtatib qoldi.

"Uning almashtirilishi mutlaqo to‘g‘ri qaror edi. U yomon o‘yin ko‘rsatdi. Bu haqda gaplashadigan narsalar bor. Men bunday munosabatni ko‘rishni xohlamayman, murabbiy ham, jamoa ham xohlamaydi. Unga jarima solinadi," deya Kelning so‘zlarini keltiradi Sky Sport.